Allir landshlutar
NÝIR OG NÝLEGIR VEITINGASTAÐIR
Uppfært byrjun apríl ’25 (* = skráðir á vefinn)
Nokkrir nýir staðir opnuðu í fyrra auk fleiri frétta. Nýr aðili er tekin við Nauthól* veitingastað, Haraldur Halldórsson, framleiðslumeistari og Sommelier, mjög vanur maður úr bransanum. Þá opnaði nýr og flottur ítalskur staður í desember
á síðasta ári, Ristorante Piccolo á Laugavegi 11 þar sem Ítalía var áður. Einnig í byrjun síðasta árs Skreið Laugavegi 4, en þar svífur yfir vötnum eða pönnum spænskur andi og baskneskur matur er í aðahlutverki. Verð er skaplegt og opið er miðvikudags til laugardagskvölds.
Fyrr á árinu opnaði Indo-Italian* í Listhúsinu við Engjaveg þar ræður bæði indverks og ítölsk matargerð ríkjum. Verð er að auki heldur lægra en gengur og gerist í miðbænumsvo sem á Piccoolo, t.d. hádegishlaðborð virka daga á kr. 2.790.
Annar nýr í viðbót við fjölbreytta flóru borgarinnar í fyrra er OTO á Hverfisgötu þar sem áður var Yuzu, þar er áhersla á jap
anska og ítalska matreiðslu. Verðlauna matreiðslumaðurinn Sigurður Laufdal, sem hefur mikla reynslu frá stöðum innanlands og erlendis, er stofnandi og var yfirkokkur. Þá opnaði í hitteð fyrra Dass Reykjavík* sem er í rúmgóðu húsnæði á tveimur hæðum á Veghúsastíg. Úti á Seltjarnarnesi opnaði veitingastaðurinn Ráðagerði* í sögufrægu húsi árið 2023. Boðið er uppá fjölbreyttan matseðill sem dregur innblástur frá einfaldleika ítalskrar matargerðar, hægt er að panta pizzur þar til að taka með.
Staðir sem hafa opnað síðastu 2 ár eða rúmlega það …
Veitingastaðurinn Brut, Pósthússtræti, þar er áhersla á evrópska matreiðslu með smá tvisti og sjávarréttum er gert mjög hátt undir höfði. Opið er bæði í hádeginu og kvöldin. Sama þrenningin og stendur á bakvið vínstúkuna Tíu sopa rekur staðinn. Þá kom nýr ítalskur staður á Hverfisgötuna, Grazie Trattoria, þar sem pizzur og ítölsk matseld er í öndvegi og opið er bæði hádegi og kvöld. Það hefur því mikið bæst í ítölsku flóruna frá 2022-25.
Staðir hættir m.a.:
Í janúar ’25 hættu 2 Guys á Ægisíðu og hinn sögufrægi Súfistinn í Hafnarfirði hætti í vetur. Þá lokaði Ítalía á Frakkastíg haustið 2024 sem var áður á Laugavegi (þar sem nú er Piccolo), eftir mikinn slag við stéttarfélög. Jói Fel lokaði í júní 2024 Felina á Engjavegi, einnig lokaði Eldsmiðjan á Suðurlandsbraut 2022 sem var síðasta útibú þess staðar lokað, en þar kom ofangreind OLIFA – La Madre Pizza í staðinn.
Á Facebook síðu okkar þar sem vinir eru hátt í 18.000, skrifum við um heimsóknir á staði og myndir. Meðal annars þá sem eru merktir með *, auk fleiri staða.
