Nýir veitingastaðir í bænum o.fl.

Nýir eigendur og vanir menn úr bransanum eru komnir að hinum rótgróna og vinsæla stað Lækjarbrekku. Það eru fyrrum rekstraraðilar Perlunnar sem festu kaup á rekstrinum en Perlan lokaði nú um áramótin með áramótaveislu.  Nýr vínbar Port 9 sem leggur áherslu af frábært úrvali af léttvínum: bio, organic vínum og smáréttum opnaði  fyrir skömmu við Veghúsastíg 9 í porti hjá RR hóteli á Hverfisgötu. Eigandinn er matreiðslumeistarinn Gunnar Páll Rúnarsson, oft kallaður Gunni Palli á Vínbarnum.  Nýtt veit­inga­hús mun opna í Mars­hall­hús­inu úti á Granda væntanlega í febrúar rekið af Leifi Kol­beins­syni sem var á sínum tíma með La Prima­vera en stýr­ir nú öll­um veit­ing­a­rekstri í Hörp­unni ásamt Jóa í Múlakaffi. Veitingastöðum og kaffihúsum á þessu svæði fer fjölgandi. Í húsinu verða á efri hæðum svo bæði Nýlistasafnið og Kling og Bang.
Þá opn­aði veit­inga­húsið Matwerk í lok nóvember á Lauga­vegi 96. Eig­end­ur staðar­ins eru þeir Guðjón Kristjáns­son, mat­reiðslu­meist­ari og Þórður Bachmann, veit­ingamaður. Áhersla verður lögð á ís­lenskt hrá­efni og frum­lega fram­reiðslu í kop­arpott­um og pönn­um.

• Share