Torfan
  • Finna veitingastað
  • Póstlisti
Þátttakendur á póstlista eiga möguleika á því að vinna gjafabréf á veitingastaði o.fl.
Skráðu þig hér
Hótel Geirland

Við leggjum metnað okkar í að bjóða ferskt hráefni beint frá býli. Á kvöldin erum við með A la Carte matseðil þar sem ýmislegt girnilegt er að finna. Vínlistinn okkar er með vin frá öllum heimshornum sem og gott úrval af íslenskum bjórum.
B...

Meira  

Veitingastadir.is
Jólahlaðborð & Jólamatseðlar á fjölda veitingastaða skráðum á síðunni eru hér með verð í kvöld og hádegi og fleiri upplýsingar.

Fréttir og tilboð

Tilboð á "Asian Twist - fimm rétta jólamatseðil" á Bambus
Fimm rétta jólamatseðil ásamt vínsglasi eða gosi á Bambus í Borgartúni á sértilboði á aðeins kr. 4.950 (fullt verð 8.280). Tilboðið er hægt að nýta til 23. des.
Um er að ræða 40% afslátt. Tilboðið gildir alla daga og er einungis
bókanlegt hér. Það gildir bæði fyrir einstaklinga og hópa.

Tilboð á "þriggja rétta jólatapas Grýlu" á Tapashúsinu við gömlu höfnina
Fullt verð kr. 8.500 en þitt verð er kr. 6.190 hér á veitingastadir.is. Á matseðlinum er kryddjurtagrafinn lax og spænsk Serrano skinka í forrétt, í aðalrétt reykt andabringa og sinnepsgljáður hamborgarahryggur í aðalrétt. Í eftirrétt er toblerone súkkulaðimús. Freyðivínsglas fylgir með í fordrykk eða gos með matnum. Tilboðið er hægt að nýta út desember. Um er að ræða nærri 30% afslátt. Tilboðið gildir alla daga og er einungis bókanlegt hér. Það gildir bæði fyrir einstaklinga og hópa.

Vinningshafar
Við drógum 4 vinningshafa af póstlistanum okkar. Fyrsti vinningur er 10.000 kr. gjafabréf á Tapahúsinu, Elva Hreiðarsdóttir er vinningshafinn. Hulda G. Ásmundsdóttir sem er annar vinningshafi fær 10.000 kr. gjafabréf á Torfuna, nýjan veitingastað. Þriðji vinningshafinn sem er Kristbjörg G. Ólafsdóttir hlýtur 5 þúsund króna gjafabréf hjá versluninni Sædís, Geirsgötu. Fjórði vinningshafinn er svo tilkynntur á facebook síðu okkar.

Apotek Restaurant – nýr staður í miðbænum
Staðurinn opnaði í annari viku í desember og er staðsettur á einu fallegasta horni Reykjavíkur. Boðið er upp á ljúffengar veitingar í líflegri stemningu og flottu umhverfi. Matseðillinn er blanda af íslensku og evrópsku eldhúsi með funheitu argentísku grilli.

Torfan - Nýr staður
Nýr og flottur staður Torfan opnaði um miðjan nóv. á Amtmannsstíg 1 þar sem Humarhúsið var áður til húsa. Torfan leggur sig fram við að bjóða upp á sælkeramat og úrvalsþjónustu í sögufrægu andrúmslofti.  


Gamla Smiðjan - Lækjargötu
Einn af albestu pizzustöðunum í bænum og verð er gott. Í hádeginu er tilboð á stórri 16 tommu pizzu á aðeins kr. 1.790 með 2 áleggstegundum. 12 tomma á kr. 1.390 og 9 tomma á kr. 1.090. Stór á kvöldin af matðseðli kostar yfirleitt tæpar milli 2.000 – 3.000 kr., fín máltíð fyrir tvo til þrjá. Fastakúnnar fá að auki 15% afslátt. Við hjá Veitingastadir.is getum sannarlega mælt með þessum pizzum.

Ferðalag og umsagnir m.a. á Facebook
Við höfum verið talsvert á ferðinni í sumar, haust og vetur um landið og skráð veitingastaði og skrifað um þá. T.d. í nóvember á Akureyri og nágrenni en þar áður í nágrenni Flúða. Á Facebook síðu okkar eru margar smá umfjallanir og myndir frá mörgum stöðum til að mynda einar sex frá Akureyri og nágrenni auk fróðleiks um ferðalög.

Nýir staðir og nýlega skráðir veitingastaðir


- Veitingastaðir í Reykjavík og nágrenni:
Apotek Restaurant, Austurstræti 16, nýr og flottur staður sem opnaði í byrjun des. Torfan, nýr staður þar sem Humarhúsið var áður til húsa, Amtmannsstíg 1. Chuck Norris Grill, Laugarvegi 30. Snyrtilegur og skemmtilegur ekta grillstaður með fjölbreyttan matseðil. Brooklyn Bar & Bistro, nýr flottur staður í miðborg Reykjavíkur með gott verð á mat. Cafe Catalina, rúmgott og glæsilegt húsnæði með lifandi tónlist og góðan mat. Smurstöðin, Hörpu. Nýr og glæsilegur veitingastaður, þar sem áhersla er lögð á smurbrauð með ný­norrænu yfir­­bragði. The CooCoo's Nest, Grandagarður 23. Skemmtilegur staður, með frábæran hádegismatseðil. Bombay Bazaar, Hamraborg 3. Indverskur staður með mjög góðan mat og flott útsýni yfir borgina. Gamla Smiðjan, Lækjargötu 8. Huggulegur pizza staður í miðborg Reykjavíkur. Kókos og Krydd, Ármúla 21. Öðruvísi staður, með góð tilboð. Ramen Mono, Tryggvagötu 16. Lítill og spennandi staður í miðborg Reykjavíkur, tilvalinn í hádeginu. Thai Grill, Hagamel 67. Tælensk matargerð uppá sitt besta. Hlöðuloftið - Íshlaðan, ekta íslensk matargerð og heimagerður ís.

Veitingastaðir á landsbyggðinni:
- Suðurland:
Þrastalundur Grímsnesi, gott verð á mat og flott útsýni. Veitingastofan, Grindavík. Flottur staður til að koma við á í hádeginu. Mjög vel útilátið hlaðborð. Hótel Geirland, bjóða uppá úrvals gistingu og ferskt hráefni beint af býli.
- Austurland:
Skaftfell bistro, Seyðisfirði. Frábær humarpizza sem snæddum þar með heilhveitibotni. Tærgesen, Reyðarfirði. Ljúft gistiheimili með góðan heimilismat og notalega stemmningu.
- Norðurland:
Hótel Norðurljós, Raufarhöfn. Hótel og veitingastaður opið allt árið, þorpið er við heimskautsbaug! Gott verð á 3 rétta seðli. Sel Hótel, við Mývatn. Harbour house café, Siglufirði. Sjávaréttastaður við höfnina.
- Vesturland:
Laxárbakki, flottur staður við þjóðveginn. Hótel Djúpavík, notalegt hótel með góðan veitingastað. Hópið, Tálknafirði. Skemmtilegur staður með mikla afþreyingu og góðan mat. Malarhorn/Malarkaffi, Drangsnesi. Notalegur staður sem býður uppá veitingar og gistingu allan ársins hring, einstaklega góð aðstaða fyrir hópa. Heydalur, nálægt Ísafirði. Notaleg og skemmtileg stemmning með flottan matsal.

Endilega látið álit ykkar í ljós á þessum stöðum eða öðrum sem hafið snætt á.


Salir við öll tækifæri
Fjöldi veitingastaða og hótela sem eru skráð á síðunni bjóða uppá sali fyrir veislur eða aðra viðburði. Fjöldi sala er að jafnaði frá c.a. 6-8 manns og allt uppí 450 eins og t.d. á Grand hótel. Dæmi um aðra veitingastaði og hótel sem eru með sali er Strikið - Akureyri,  Tapashúsið og hótel Örk. Athugaðu endilega leitarorðið salur þegar þig vantar upplýsingar um sal fyrir vinahópinn eða vinnustaðinn.

NEYTENDAHORNIР- lof og last:


Lof ....
Fá íslenskir veitingastaðir fyrir að bjóða oft uppá frábærar máltíðir, jafnvel fyrir um 20$ í hádeginu fyrir 2ja rétta, með okkar góða vatni og þjónustugjaldi (tips). Nýleg dæmi eru Lækjarbrekka og Sjávargrillið, sjá smá umfjöllun á Facebook um þær heimsóknir.... Lesa meira

Last ....
Lastið fá olíufélögin, fyrir að á flestum stöðvum er ónóg umhverfisstefna í gangi. Víða er ekkert sér til að henda i) dósum og glerjum í og ii) pappír, heldur er öllu hent í sama dunkinn... Lesa meira
Fylgstu með nýjustu sögunum í NEYTENDAHORNINU eða sendu inn þínar.

Umfjallanir um valda veitingastaði

Hvaða staðir eru skráðir á síðuna?

Nær allir veitingastaðir landsins eru skráðir á vefsíðuna. Sumir eru með stærri skráningar - nánari lýsingu, lógó, myndum, hringmyndum og jafnvel myndböndum, aðrir eru skráðir bara með grunnupplýsingum.
Ef þú finnur ekki einhvern veitingastað gæti skýringin verið sú að hann er nýopnaður. Endilega láttu okkur vita af honum. Það er mikil vinna að fylgjast með breytingum á veitingamarkaði og því eru allar ábendingar vel þegnar.
Á síðunni er einnig að finna skemmtilegar uppskriftir, opið álitskerfi og umsagnir sérfræðinga. Þeir sem eru skráðir á póstlista eiga þann kost að vinna gjafabréf á veitingastaði og fleiri vinninga.

Join Us On Facebook

Please Wait 10 Seconds...!!!Skip
kopar 150*200 ernir150x540 Booking - Visit Visitors Guide 150 SOS banner