Allir landshlutar
Við fórum 2 frá veitingastadir.is ásamt 2 börnum á Rauða Húsið Eyrabakka á dögunum í hádeginu. Annar fékk sér fisk dagsins sem var langa og hinn sjávarréttasúpuna. Báðir réttirnir voru á undir 2.000 krónum. Þeir voru mjög vel úti látnir, sem er eitthvað sem maður á ekki alltaf að venjast. Langan kom með mikið af meðlæti og reyndist hinn allra besti fiskur. Súpan var sömuleiðis mjög góð. 5 ára dömurnar sem voru með fengu sitthvorn hamborgarann og meðlæti sem kostaði 800 kr. Sá skammtur var mjög stór og mikið af frönskum með. Skammturinn var það stór að afgangurinn var tekinn með og snæddur sem léttur kvöldmatur fyrir annan okkar í sveitinni um kvöldið :). Í heildina því góð upplifun og alveg þess virði að taka kannski smá krók á leið austur og stoppa þarna. Eins voru húsakynni skemmtileg og þjónustan góð.