Strikið

Strikið er á fimmtu (efstu) hæð í Skipagötu 14 á Akureyri þar sem er frábært útsýni yfir Eyjafjörðinn og Akureyri. Salir Striksins eru tveir og rúma 60 og 80 manns en því til viðbótar er pláss fyrir allt að 100 manns úti undir beru lofti. Það er ótrúleg upplifun á góðum sumardegi eða heitu og björtu sumarkvöldi að sitja úti og njóta góðra veitinga ásamt hinu frábæra útsýni til allra átta, yfir Eyjafjörðinn og Akureyri, upp til fjalla og út til hafs.

Áherslan er á fjölbreytileika í matargerð og úrval rétta á matseðlinum. Í hádeginu alla daga vikunnar bjóðum við upp á rétt dagsins ásamt súpu á aðeins 1.500 krónur.

Yfirmatreiðslumaður og einn af eigendum Striksins, Róbert Hasler, hefur mótað þá matreiðslustefnu sem Strikið er frægt fyrir og hefur gert staðinn vinsælan. Létt og skemmtilegt andrúmsloft er aðalsmerki Striksins ásamt góðri þjónustu undir vandaðri stjórn eigandanna. Eigendur Striksins eru Heba Finnsdóttir framreiðslumeistari og Sigurður Jóhannsson framreiðslumaður, sem bæði lærðu fagið á Fiðlaranum forðum daga á þessum sama stað.

Í mars 2010 bættist Pósthúsbarinn við. Pósthúsbarinn hentar einstaklega vel undir fundi, veislur og aðrar skemmtanir. Staðurinn getur tekið allt að 120 manns í sitjandi veislur, 180 manns í fundarstillingu. Svo er líka hægt að hafa minni veislur á lounge barnum.