Slippurinn

Opið frá maí til september og einnig opið í desember. Skyldurekinn veitingastaður sem leggur áherslu á ferskt og gott hráefni úr heimabyggð.

Slippurinn fær ferskan fisk inn á hverjum degi, notar helst heimaræktaðar jurtir, gerir allan mat frá grunni og hefur gott samband við bændur og veiðimenn sem markar sérstöðu staðarins.
Slippurinn kallar sig „Eatery“ til aðgreiningar frá „Fine Dining“ og leggur áherslu á að vera með heiðarlegan og einfaldan mat og vín á sanngjörnu verði. Matargerðin er í grunninn íslensk og norræn en undir áhrifum frá því besta úr franskri og ítalskri matargerð.
Yfirmatreiðslumaður Slippsins er hinn ungi Gísli Matthías Auðunsson sem tók þátt í keppninni Nordic Chef of the Year 2012 ásamt því að vera valinn Nemi Ársins úr Hótel og Matvælaskólanum sama ár.
Slippurinn er staðsettur í einu elsta steinsteypta húsi Vestmannaeyja, Magnahúsinu, sem áður hýsti Vélsmiðjuna Magna sem þjónaði gamla slippnum bakvið bygginguna. Magnahúsið ber sterkan vott um atvinnusögu Vestmannaeyja og gestir fá að upplifa strax og þeir koma inn tenginguna við sögu hússins og sjóinn. Þetta nýja hlutverk hússins hefur gefið því verðskuldaða reisn.
Opið frá maí til september og einnig opið í desember.