Hótel Á

Hótel Á, er sveitahótel í Hvítársíðu, einni af innsveitum Borgarfjarðar á mið-vesturlandi, á vinsælum ferðamannaslóðum. Hótelið stendur skammt frá bökkum Hvítár, jökulár sem fellur niður héraðið.

Þar var áður fyrr bóndabær. Á hótelinu er glæsilegur veitingasalur, sem eitt sinn var fjós sem rúmaði 32 kýr. Boðið er uppá fjölbreyttann morgunverð.  Á kvöldin er í boði þriggja rétta matseðill dagsins, fisk- eða kjötréttir og grænmetisréttir.

Viðbyggingin við fjósið er svo hlaðan þar sem hey var geymt fyrir skepnurnar en nú í dag eru þar 15 hótelherbergi. Öll herbergi á Hótel Á, sem eru stílhrein og falleg,  eru með sér inngangi fataskápum og þeim fylgir baðhergi með sturtu og baðsloppum.

Ókeypis þráðlaust netsamband í móttökunni og veitingasalnum en ekki á herbergjum.

Á Húsafelli (10 km fjarlægð) er lítil verslun þar sem hægt er að fá helstu nauðsynjavörur á sumrin auk tveggja veitngastaða. Barnafoss og Hraunfossar eru í um 5 mínútna akstursfjarlæð og skammt er í Reykholt og Deildartunguhver.