Kjúklingapasta

Matarskammtur 4-5
Tími 40 mínútur
Erfiðleikastig Miðlungs

Hráefni

• 5 dl soðnar pastaskrúfur.
• 2 dl maís úr dós.
• 1 grillaður kjúklingur.
• 200 g léttsoðið spergilkál.
• 1/2 saxaður blaðlaukur (hvíti hlutinn).
• 1 dós kjúklingasúpa.
• 1 msk. tómatkraftur (tomatpuree).
• 1 pressaður hvítlauksgeiri.
• 1 dl rjómi.
• 150 g rifinn óðalsostur.
• 4 msk. parmesan.

Matreiðsla

1. Smyrjið eldfast mót og setjið pastaskrúfurnar í mótið.
2. Dreifið maísnum yfir, skerið kjúklingakjötið smátt og dreifið því yfir maísinn.
3. Setjið spergilkálið ofan á og dreifið blaðlauknum yfir.
4. Blandið saman súpunni, tómatkrafti, hvítlauk og rjóma og hellið yfir.
5. Rífið ostinn, blandið parmesan saman við hann og stráið yfir réttinn.
6. Bakið í 15-20 mínútur við 200 gráður.
7. Berið fram með hvítlauksbrauði.

• Share