Staður - Fiskmarkaðurinn

| Aðalstræti 12, 101 Reykjavík | s. 578 8877 |

Fiskmarkaðurinn er íslenskur veitingastaður sem leitar í austur með bragð og stíl.

Hönnunin er bæði tekin frá Íslandi og Asíu þar sem trönuviður og stuðlaberg mætir bambus og gömlum brenndum eikarvið.

Réttir staðarins eru matreiddir á þrem mismunandi svæðum: í aðaleldhúsi, á Robata grilli og raw barnum.

Fiskmarkaðurinn er opin í hádegi frá kl 11.30 til 14.00 og 18.00 til 23.30 á kvöldinn.

Raw Bar

Shushibar staðarins er í neðri sal hússins en þar getur þú setið og gætt þér á sushi og sashimi og fylgst með kokkunum að störfum og séð hvernig þeir fara að.

Einnig er hægt að velja allt af matseðlinum.

Ekki er nauðsynlegt að panta borð fyrir Raw barinn og því sjálfsagt að kíkja við.

Robata grill
Robata grillið er eitt af aðalsmerkjum staðarins.

Í því eru hágæða japönsk kol sem brenna við 1200c í stað 600c eins og venjuleg kol gera.

Hráefnið sem fer á grillið snöggsteikist og gæðin haldast frekar í því og það verður safaríkara

Smelltu hér til að sjá myndband frá veitingastaðnum.

Dæmigert verð fyrir aðalrétt:

2.500 kr. - 4.000 kr.

Myndasafn

sjá allar myndir

Álit af handahófi:

Dagsetning: 9.4.2008 14:31
Nafn: Halldór
Stjörnur:

Álit: Fór á Fiskmarkaðinn á laugardagskvöldi í mars við þriðja mann.

Okkur var vísað til sætis í kjallaranum, en þar er eldhús og aðalveitingasalur staðarins. Minni veitingasalur, bar og salernisaðstaða er á efri hæðinni.

Umhverfið er skemmtilegt, viður og bambusfílingur.

Ákváðum að setja þetta í hendurna á kokkunum og völdum eins konar brot af því besta sem samanstóð af þremur forréttum, skál með nokkkrum sushi/sashimi réttum, þremur aðalréttum og blöndu af eftirréttum. Öll herlegheitin kostuðu aðeins kr. 6900.

Skemmst er frá því að segja að maturinn var ferskur og góður. Þó hefði ég viljað sjá laxinn minna eldaðan. Djúpsteiktur linskelskrabbi og kóngakrabbaklær með chili-majó stóðu líklega uppúr. Sushi/sashimi plattinn var líka mjög fínn, hráefni allt fyrsta flokks, enda þýðir lítið annað en að bjóða það besta þegar maturinn er hrár.

Helst er undan því að kvarta að fordrykkir voru vart komnir á borðið þegar réttirnir byrjuðu að streyma inn. Eftir að hafa beðið þjóninn að hægja aðeins á ferðinni var þetta allt miklu afslappaðra.

Þjónustan var annars vingjarnleg en töluvert vantaði uppá þekkingu, t.a.m. voru þjónar alls ekki með á hreinu hvaðan hráefnið var og gerðu ekki tilraunir til að komast að því þegar spurt var.

Vínlistinn er stuttur, en þau tvö hvítvín sem þjónninn mælti með voru mjög passandi með réttunum. Fyrst var það Pinot Gris með forréttunum og sushi/sashimi og svo Chablis Premier Cru með aðalréttum, sem getur varla klikkað.

Sem sagt, ánægjuleg kvöldstund med góðum mat en þó engin flugeldasýning. Það þarf aðeins að taka þjónana í kynnisferð inn í eldhús til að fara yfir uppruna hráefna. Viljinn er fyrir hendi, held ég.
Sjá öll álit

Gefa álit

Vefsíða:

www.fiskmarkadurinn.is

Netfang:

info@fiskmarkadurinn.is

Heimasíða á ensku:

Já

Matseðill á netinu:

Já

Matseðill á ensku:

Já

Borðapantanir:

578 8877

Veisluþjónusta:

Veislusalur:

Fjöldi sala:

Fjöldi í sal:

20-49

Leitarorð:

Alþjóðlegur, Austurlenskur, Food and Fun, Grænmetisréttir, Hefðbundinn íslenskur, Íslenskur, Japanskur, Lambakjöt, Sjávarréttir, Sushi, Veislur, Villibráð

Til baka